Ný skýrsla frá OECD, International Transport Forum um samanburð og þróun slysatalna milli landa.
Opna skýrslu (pdf-10 síður 549 kB)

Á fimmta tug félagsmanna sátu ársþing félagsins sem haldið var að Grand Hótel Reykjavík 28. apríl 2010.
Engin breyting varð á stjórn, varastjórn, endurskoðendum, fulltrúum félagsmanna í Fræðslumiðstöð né fulltrúum í kjörnefnd. Í siðanefnd varð sú breyting að Sigurður Þór Elísson var kjörinn í stað Grétars Viðarssonar.
Sjá nánar stjórn og fulltrúa í nefndum.
23 sóttu um aðild að félaginu og voru allir samþykktir.

Miðvikudaginn 28. apríl 2010 var kennslu- og prófasvæðið að Borgartúni 41 formlega tekið í notkun.
Með þessari aðstöðu skapast tækifæri til nútímalegri ökukennslu sem uppfyllir kröfur reglugerðar og námskrár.
Fyrsta námskeið Kennslumiðstöðvarinnar hófst á svæðinu 3. maí 2010,
sjá nánar vef Kennslumiðstöðvar.

Frumvarp til nýrra umferðarlaga hefur verið lagt fram á Alþingi, þskj. 943 - 553. mál.
Sjá frumvarpið og umfjöllun á vef Alþingis.

Frumherji býður ökukennurum nú að sjá stöðu prófa og árangur sinna nemenda á ökuprófavefnum.
Þá óskar Frumherji eftir því að símanúmer próftaka sé skráð við pöntun skriflegs prófs.
Sjá nánar ökuprófavef Frumherja fyrir ökukennara.

Ökukennarafélag Íslands og Umferðarstofa héldu átta kynningarfundi, í Reykjavík, Borgarnesi, Akureyri, Egilsstöðum, Selfossi og Reykjanesbæ. 143 ökukennarar sóttu þessa fundi og er þakkað fyrir góða þátttöku.
Á heimasíðu Umferðarstofu eru kynningarnar sem fluttar voru svo og námskráin.

Ný námskrá til B-réttinda, febrúar 2010, hefur verið staðfest af Samgönguráðuneytinu. 

Námskráin á vef Umferðarstofu
Námskráin hér sem pdf-skjal (242 kB)

Þann 1. janúar 2010 taka gildi nýar reglur um ökunám. Reglurnar eru þess efnis að allir þeir sem hefja ökunám eftir 01.01.2010 skulu sækja sérstakt nám í ökugerði. Í júlí síðastliðnum gaf Samgönguráðuneytið út reglugerð sem heimilaði notkun skrikvagns (SkidCar) til jafns við kennslu í sérstöku ökugerði til þessarar kennslu. Nú hafa Ökukennarafélag Íslands og Forvarnahúsið gert með sér samkomulag um framkvæmd þessarar kennslu. Hingað til lands eru komnir tveir Skrikbílar og verið er að ganga frá færanlegu forvarnahúsi.
Föstudaginn 4. desember gekkst Ökukennarafélag Íslands fyrir kynningu á þessari nýung fyrir félagsmenn sína. Um var að ræða verklega kynningu í skrikvögnum og sýnikennsla í Forvarnahúsinu ásamt fræðilegri kennslu, sem fór fram með líku sniði og almennir ökunemar munu fá á þessum fyrirhuguðu námskeiðum. Almennt lýstu ökukennarar ánægju sinni með þetta framtak og töldu þetta verulegt framfaraskref í ökunámi á Íslandi.
Eins og áður hefur komið fram hefur Ökukennarafélagið tryggt sér starfsaðstöðu fyrir þessa starfsemi á Kirkjusandi í Reykjavík (gamla Strædóplaninu) en þar verður boðið upp á nám í „áhættuvarnarakstri“ strax í byrjun næsta árs.

Þann 5. desember s.l. útskrifuðust 24 ökukennarar frá Menntavísindasviði Háskóla Íslands.
Verkefnastjóri var Knútur Hafsteinsson.
Ökukennarafélag Íslands óskar hinum nýju ökukennurum velfarnaðar við ný og krefjandi viðfangsefni.

Vöntun er á ökukennurum í Noregi.
Sjá bréf frá Guðmundi Jónssyni í Noregi.