Í lok janúar hélt Ökukennarafélag Íslands námskeið í skyndihjálp og notkun slökkvitækja fyrir félagsmenn.

Jón Pétursson fór yfir notkun á slökkvitækjum við hina ýmsu elda og Ólafur Ingi Grettisson fór í gegnum skyndihjálp með þátttakendum.

Námskeiðið gekk vel og var almenn ánægja með námskeiðið.

Vakin er athygli á breyttum opnunartíma á skrifstofu Ökukennarafélags Íslands.

Opnunartíminn er frá mánudögum til föstudaga frá kl. 10:00 - 12:00

TOP Norden

ráðstefna

Grand Hotel Reykjavik,

10-11 maí 2017

Ökumenn og ökutæki framtíðar

Miðvikudagurinn 10. maí

09:30 Kaffi og skráning

10:00 Setning Guðbrandur Bogason, Ísland

10:15 Ávarp frá Samgöngustofu Þórólfur Árnason, forstjóri Samgöngustofu

10:30 Áhættuvarnarakstur í framtíðinni

Ferðamáti – kennslufræðilegar árherslur Mats Landen, Svíþjóð

Aðferðafræði aksturs Morten Fransrud, Noregur

Athyglistruflunar æfingar Jörgen Rosenhall, Svíþjóð

Ár með rafbíl í áhættuvörnum Anders Karlborg, Svíþjóð

12:15 Hádegisverður

13:15 Bílar framtíðar Fulltrúi frá framleiðendum

14:15 Sýn yfirvalda á áhættuvarnir framtíðar

Noregur Dag Terje Langnes, Vegdirektoratet

Svíþjóð Olof Stenlund, Transportstyrelsen

15:00 Kaffi

15:30 Sýn yfirvalda á áhættuvarnir framtíðar

Ísland Holger Torp, Samgöngustofu

16:15 Pallborðsumræður fulltrúa yfirvalda Stjórnandi, Jonn Eilert Rovelstad, Noregi

17:00 Lok

Fimmtudagurinn 11. maí

08:30 Stutt upprifjun á miðvikudeginum

08:45 Latest findings on elderly capability in driving - A role for simulator

Jens Lauritsen, Danmark

10:00 Kaffi

10:30 Eldri ökumenn og slys Ágúst Mogensen,

Rannsóknarnefnd samgönguslysa

11:15 Pallborðsumræður fyrirlesara Stjórnandi, Jonn Eilert Rovelstad, Noregi

11:45 Samantekt og lok Guðbrandur Bogason, Ísland

12:00 Hádegisverður

13:45 Skoðunarferð og Bláa lónið

17-18 Lok skoðunarferðar

19:30 Kvöldverður í Lækjarbrekku

Ökukennarafélag Íslands óskar vegfarendum öllum gæfuríks komandi árs.

Stiklað á stóru í sögu Ökukennarafélags Íslands.

Á dögunum var því fagnað að Ökukennarafélag Íslands átti 70 ára afmæli en það var stofnað þann 22. nóvember árið 1946.
Af því tilefni birtist hér stutt viðtal við Guðbrand Bogason en hann var fyrst kosinn formaður árið 1982.

Að sögn Guðbrands var félagsstarfið stopult á fyrstu árum þess og var í raun endurvakið árið 1959 af nokkrum aðilum.
Fram til ársins 1958 fengu þeir sem höfðu meirapróf sjálfkrafa ökukennararéttindi en það ár var fyrsta ökukennaranámskeiðið haldið.
Þá fór menntun ökukennara þannig fram að auglýst var námskeið og komu að jafnaði 30 manns á námskeið. Síðan voru tekin próf eftir nokkrar lotur og að jafnaði útskrifuðust 3 ökukennarar á ári.

Árið 1965 þjappaðist ákveðinn hópur ökukennara saman þegar farið var í námsferð til Þýskalands og í framhaldi af því keyptu margir sér tilbúna kennslubíla frá Volkswagen.

Árið 1967, þegar undirbúningur fyrir hægri umferð stóð sem hæst, fór hópur héðan til Svíþjóðar í náms- og kynnisferð en Svíarnir voru þá nýlega búnir að skipta yfir í hægri umferð.
Það ár stofnaði ÖÍ ökuskóla og var hann staðsettur í Suðurveri í Stigahlíð.
Um það leyti jók félagið útgáfu að ýmiskonar fræðsluefni og hefur í gegnum árin verið leiðandi í útgáfu fræðsluefnis fyrir ökunám til allra ökuréttinda.

Árin 1985 og 1986 voru haldin voru tvö námskeið til ökukennararéttinda og útskrifuðust 25 ökukennarar hvort ár eftir þriggja vikna námskeið.

Guðbrandur nefndi að árið 1988 keypti ÖÍ í fyrsta skipti eign í Mjóddinni og flutti starfsemi sína þangað. Við það jókst félagstarfið og einnig varð bókaútgáfan blómleg.

Það sem að styrkti ökuskóla enn frekar var þegar meiraprófin voru færð frá Bifreiðaeftirliti ríkisins til ökuskóla árið 1991 og grundvöllurinn að þessum flutningi var starfsemi félagsins á Ökuskólanum í Mjódd.

Árið 1993 var gerður samningur milli Umferðarráðs og Kennaraháskóla Ísland með aðkomu ÖÍ um skipulagt ökukennaranám.

Ökuskólaskylda var síðan innleidd árið 1997 og festi það ökunám mikið í sessi.

Árið 2009 var nám í áhættuvarnarakstri ( Ö 3 ) skylda í ökunámi en það tók ÖÍ um 30 ára að sannfæra hið opinbera um mikilvægi slíks námskeið fyrir ökunema.
Var það mikið gæfuspor, sagði Guðbrandur að lokum.

Á aðalfundi Ökukennarafélags Íslands var ný stjórn kosin:

Björgvin Þór Guðnason formaður, Kristinn M. Bárðarson, Páll Sigvaldason, Svavar Svavarsson, Guðni Sveinn Theodórsson, Elvar Örn Erlingsson og Þórður Bogason.

Í varastjórn voru kosin:

Guðrún Sigurfinnsdóttir, Þorsteinn Sveinn Karlsson og Haukur Vigfússon.

Hér kemur fram ný og endurbætt heimasíða Ökukennarafélags íslands. Undanfarið hefur verið unnið að breytingum á ýmsu varðandi síðuna sem vonandi nýtist ökunemum sem og ökukennurum í ÖÍ.

Er það von stjórnar að þetta mælist vel fyrir.

Formaður: Björgvin Þór Guðnason

Aðalstjórn: Svavar Svavarsson, Kristinn M. Bárðarson, Páll Sigvaldason, Þórður Bogason, Guðni Sveinn Theodórsson, Elvar Erlingsson.

Varastjórn: Guðrún Sigurfinnsdóttir, Þorsteinn Sveinn Karlsson, Pálmi B. Aðalbergsson.

Í dag 7. janúar 2015 undirritaði forseti Íslands fyrstur vegfarenda Umferðarsáttmálann við athöfn í húsnæði Frumherja hf. að Hesthálsi í Reykjavík.  Að lokinni undirritun afhenti forseti Íslands fjórum nýútskrifuðum ökunemum sáttmálann.

Frá og með morgundeginum 8. janúar 2015 verður nýútskrifuðum ökunemum boðið að skrifa undir umferðarsáttmálann að loknu verklegu B-prófi.

Eins og menn eflaust muna þá var forseta Íslands afhentur Umferðarsáttmáli vegfarenda við athöfn í Húsdýragarðinum þann 18. september 2013.  Í ræðu sinni þar gerði forsetinn það að tillögu sinn að sáttmálinn yrði tengdur ökunámi og kom með þá hugmynd að nýútskrifuðum ökunemum byðist að undirrita sáttmálann.

Áframhaldandi vinna fór í gang þar sem unnið var að þessari hugmynd.  Að þeirri vinnu komu lögreglan, Samgöngustofa, Frumherji og Ökukennarafélag Ísland.

Þess má geta að í nýrri kennslubók til B-réttinda verður Sáttmálinn kynntur og er það von okkar að ökukennarar og ökuskólar kynni sér Sáttmálann og komi innihaldi hans áfram til ökunema sinna.

Sjá nánar um Sáttmálann:

http://www.ruv.is/ras-2/umferdarsattmali-verdur-til

http://www.logreglan.is/fraedsla/skolafraedsla/

https://is-is.facebook.com/Vertutil/posts/256444051158448?stream_ref=10

http://www.forseti.is/Frettir/Ollfrettin/5480

http://www.logreglan.is/umferdarsattmali-allra-vegfarenda/

http://www.mbl.is/myndasafn/mynd/272309/

Björgvin Þór Guðnason, formaður ÖÍ

Félagar ÖÍ eru hvattir til að kynna sér kjörin inni á félagsmannasvæðinu.

Stjórn ÖÍ